[Advaita-l] Joyous 59th Vardanthi of H.H. Bharathi Theertha Mahaswamigal

Mahadevan Babu babunim at optushome.com.au
Thu Apr 2 04:50:05 CDT 2009


Dear Asthikas,
Sri Gurubyo Namaha !!!
I pray to the Lotus Feet of Jagadguru Sri Sri Sri Bharahti Theertha  
Mahaswamigal to grace us all with the path to Shreyas.
1st April 2009 (Indian Time) / 2nd April 2009 (US Time) marks the 59th  
Vardanthi (Birthday) of the Mahaswamigal.
On this joyous day, I wish to share with you the Akshara Mala that I  
was able to submit on to his Lotus Feet in Tamil by the Grace of  
Acharyal and Sharadambal.
Please excuse me that I have not yet translated & transliterated in  
English.

அக்ஷரங்களில் அகாரமாய்  
விளங்கிட்டு
அகிலலோகத்தின் சாக்ஷியாய்  
திகழ்ந்திட்டு
அபிநவ வித்யாதீர்த்தரின்  
நிழலாய் நின்றிட்டு
அன்பின் ரூபமான எங்கள்குரு  
ஶ்ரீ பாரதீ தீர்த்தரே !

ஆஸ்தீக தர்சனமாம் ஆறு  
அவற்றின்
ஆற்றாய் பெருகிட்டு  
அருள்வார்
ஆத்மஞானத்தை சுடர் விட்டு
ஆதார ரூபமான எங்கள்குரு  
ஶ்ரீ பாரதீ தீர்த்தரே !

இருமையற்ற இருப்பே உண்மை
இலாமையுடைய தோற்றமே மாயை
இத்தத்துவத்தை உலகுக்கு  
போதித்து
இனிய ரூபமான எங்கள்குரு  
ஶ்ரீ பாரதீ தீர்த்தரே !

ஈடற்ற வித்தையின்  
இருப்பிடமே
ஈர்த்திடும் மாயையெனும்  
இருட்டினை
ஈட்டியெனும் ஞானத்தால்  
தகர்த்திட்டு
ஈசனின் ரூபமான எங்கள்குரு  
ஶ்ரீ பாரதீ தீர்த்தரே !

உபநிடதச் சாரமான அத்வைத
உண்மையை உலகுக்கு  
போதிக்கவே
உருவெடுத்த வித்யாதீர்த்த  
சீடரே
உலககுரு எங்கள்குரு ஶ்ரீ  
பாரதீ தீர்த்தரே !

ஊனாயினும் ஞான மூடாயினும்
ஊக்கமுடன் குருபக்தியுடன்  
பணிய
ஊக்குவிக்குமே சாதன  
சதுஷ்டயம்
ஊர்த்வ மூலமான எங்கள்குரு  
ஶ்ரீ பாரதீ தீர்த்தரே !

எவ்விடத்திலும் பூர்ணமாய்  
நிறைந்து
எக்காலத்திலும் திடமாய்  
நின்றிட்டு
எவ்வுயிரிலும் கருணையாய்  
பரவிடும்
எம்பெருமான் ரூபமான  
எங்கள்குரு ஶ்ரீ பாரதீ  
தீர்த்தரே !

ஏகமான ப்ரும்மமே சத்தியம்
ஏனையால் ஏற்றதாழ்வு  
எண்ணலாகாது
ஏற்றிருக்கும்  
தெய்வரூபத்தில் என்று
ஏனையோர்க்கு போதித்த  
எங்கள்குரு ஶ்ரீ பாரதீ  
தீர்த்தரே !

ஐம்பொறிகளுக்கு எட்டாத  
வஸ்துவாம்
ஐந்துறையினுள் புதைந்த  
பொக்கிஷமாம்
ஐயன் குருவின் அருளாலே  
அறியுமந்த
ஐயனான எங்கள்குரு ஶ்ரீ  
பாரதீ தீர்த்தரே !

ஒலிக்கும் மறையின்  
தத்துவமே
ஒளிக்கு ஒளியான ஞானரூபமே
ஒடுங்கும் எல்லாம்  
சுத்தசைத்தன்யமே
ஒப்பில்லை உமக்கு  
எங்கள்குரு ஶ்ரீ பாரதீ  
தீர்த்தரே !

ஓங்கிடும் உண்மையின்  
உறைவிடம்
ஓதிடும் மறைகளின் அந்தமாம்
ஓரான தத்துவத்தின் சாரமாம்
ஓங்கார ரூபமான எங்கள்குரு  
ஶ்ரீ பாரதீ தீர்த்தரே !

ஒன்றிட்டு குருவடியினில்  
வீழ்ந்திட்டால்
ஔஷதமது அஞ்ஞானப்  
பிணியினுக்கு
ஓடமது சம்சாரக்கடலை  
கடப்பதற்க்கு
ஔதார்ய மூர்த்தியான  
எங்கள்குரு ஶ்ரீ பாரதீ  
தீர்த்தரே !

                                       மஹாதேவன்  
பாபு
Mahadevan Babu
babunim at optushome.com.au




More information about the Advaita-l mailing list